بسم الله الرحمن الرحيم
السلام عليكم ورحمة الله
هاذي القصيده قالها الشاعر فهاد بن رشيد الرشدان العنزي في الشيخ مهجع سعد الرشدان العنزي
ابوسعد شيخ من مشايخ أعنزه وهو عرف عنه الكرم وستقبال الرجال اهل الطيب الكرم ولا
هو مستغرب على الشيخ مهجع هاذا الكرم ويستاهل أبوسعد مايقال فيه من مدح
يابـن سعـد عيـت تـنـام العيـونـي
من هاجس باقصى الحشى ضيـق البـال
ما أريد بعـض النـاس لـي يفطنونـي
الحـال نشكيهـا علـى عالـم الـحـال
رب علـى عبـاده لطـيـف وحنـونـي
عـلام ســر إقلوبـهـم دق وجــلال
إن راد شـي قــال كــن ويكـونـي
أمرة سبق لمح البصـر عجـل الارسـال
وخـلاف ذابـك ماتخـيـب الضنـونـي
مـا للـردى يمـك طـريـق ومـدخـال
ابـوك اخـو مزنـه يمـلأ الصحـونـي
يـوم القـراء للظيـف تمـره وفنجـال
يـوم الـعـرب للعـيـش مايجـدونـي
صينيتـه للضيـف والـجـار مـدهـال
يـوم البيـوت اكسـورهـا كاشنـونـي
يندى كسـر بيتـه مـن ألسمـن عمـال
يـوم السنيـن اللـي تجـر الحـزونـي
غداء لربعه عن عن سناء جورها إضـلال
والجـد عـائـض ماقـفـه مايهـونـي
مايقبـل العيـلـه ولا يكـنـز ألـمـال
إن جـاه مـن تطمـن إشفـاه السنونـي
عطـاه ممـا يعـطـى ألمـلـح كـيـال
يـوم الحرايـب ضـاريـن للطعـونـي
سيـف إتجـا لربـه خطيـرات الاْهـوال
وخوالـك الـلـي بالنـقـا يمدحـونـي
للصاحـب أصحـاب وللمعتـدي جــال
أهـل الفعـول اللـي بهـا يفخـرونـي
نعما هـل الجدعـاء علـى كـل منـوال
الـنـور ماتجـحـد ثـنـاه العيـونـي
وألحق مايزعل على سوى المغرض الضال
والمـدح مايـرفـع مـقـام العفـونـي
والسـب مايدنـس كريمـيـن الاْفـعـال
النـاس بطيـب أعماقـهـم يندبـونـي
ومـن لافعـل ماينقـع الجـد والـخـال
وأهـل الوفـاء بأفعالـهـم يعرفـونـي
تضرب بهـم عنـد الرجاجيـل الاْمثـال
هـذا كـلام الـلـي لقـافـه يصـونـي
بالحـق ماينقـص مـن الحـق مثقـال
ياابـن سعـد حاسبـك ذخـري وعونـي
واليـوم بيـن لازمـي مابهـا إجــدال
ابــي بـوقـت الازمــه تفزعـولـي
بسلفـت وفـاء لهـا رهينـه وكـفـال
مافـيـه عــذرن فـيـه تـعـذرونـي
إلياء عطـاء الله منـك عطيـت بالحـال
لولا أبوعـمـر ماتخـلـص ديـونـي
عـزالله إنـه شـال عـن متنـي أثقـال
ياقصـر واعــن الجمـيـل العفـونـي
لـه ماقـف ماياقـفـه كــل رجــال
مــن ربـعـه بالـمـال مايبخلـونـي
كنـز الرفيـق إليـا تــولاه غـربـال
ابـيـك مثـلـه دامـكـم تـقـدرونـي
وأنـا عليـه حقكـم بالـوفـا إقـبـال
ودنيـاك مامنهـا البـشـر يسلمـونـي
لابـد ماتاكـل علـى كــل الاْطــوال
مـن الغـدر ماخلـت سفيـه إينـونـي
ولا شيمـت مـن خيـرة القـوم عقـال
لـو المـلاء مـن غبـهـا يأمنـونـي
مانزلـت سـبـع المثـانـي والاْنـفـال
مـاقـل دل وبالخـطـاء سامـحـونـي
مانـي عليكـم يااهـل العـرف محتـال
وصـلاة ربـي عـد فيـض المـزونـي
علـى النبـي سـار بالـحـق فـصـال
الخميس ديسمبر 13, 2012 6:08 am من طرف 
موضوع: يابن سعد عيت تنام العيوني 
