قصيدة سعد عواد المريحمي في الشيخ مهجع سعد الرشدان

هذه القصيده قالها الشاعر سعد عواد المريحمي في الشيخ مهجع سعد الرشدان
سميت بالمعبود منجي دخيله **** الواحد المعبود مدير الأفلاك
ربن كريم وكلنا نرتجيله **** سبحانه اللي مال ملكه له اشراك
يالله لاتجعل علينا الفشيلة **** وإنك تهادينا على درب حسناك
من بعد ذكر الله منشيء المخيله **** نكتب بيوتا في جديدات الابواك
نهديه لراعي الوفاء والجميله **** يابو سعد ياعز من هو تنصاك
طيبك كثير ولايمثل مثيله **** وطيبا بذلته بي وشلون أبجزاك
أرفع لك البيضاء براس الطويلة **** وأنشهد إني يابن رشدان مأنساك
محشوم عن درب الردى والرذيلة **** والطيب والله يافتى الجود شرواك
وياعل أيامك يابو سعد طويلة **** وعسى الولي من كل الامراض يحماك
يالوايلي ياللي أفعولك جزيلة **** جعل الردي يامنقع الطيب يفداك
يابو سعد الطيب عندك حصيلة **** وطيبا خذيته غصبا بفعلك بيمناك
تستاهل البنت الهنوف الاصيلة **** وهي بالمثل تسمع لفعلك وطرياك
تحطها بالبيت عندك حليلة **** ومنين مابغيت تمتشي بممشاك
واللي شجاع مثلك تستويله **** حلون لرفيق وشرا على أعداك
حيثك من اللي يحتمون الدبيلة **** وتذبح من الجزلات للضيف لاجاك
وأرجي السموحه كان فيها زليلة **** وأسمح لنا ياطيب الاصل منشاك
وصلو على اللي سنته نهتديله **** وضح لنا بالدين عن دين الأشراك