من شيوخ قبيلة المنابهة

السلام عليكم ورحمة الله وبركاته

يا نمـر ما صابك مـن اللـه مقسوم = أصبر وعالج ضامرك يابو سلطان
أن مات حـي قـيـل يا نمـر مرحـوم = اطلب لمفقودك من الـرب غـفـران
الا ولا حـي مـن الـمـوت معـصـوم = اعـرف تـرى دنياك ما فوقهـا فـان
دنـيـاك هـذي بـين هـازم ومهـزوم = ما أنت الوحيد بفقـد غـالي وخـلان
مـا قدر المولى على العبـد محتـوم = الـلـه جـعـل لـلـروح حــدٍ وديّــــان
كلٍ عليـه من أسود الوقـت مثـلـوم = مـن ظيـم بقعا يشنكي جن وانسان
الـلـه يجيرك يالسنافي عـن الـلـوم = عـزاه يـا مـروي شـبـا لامع الـزان
يانمر من ظيم الولي ما نت مظيوم = الـلـه بخلقـه مايـن يا أبـن عـدوان
الصبـر زيـن ويـنفـرج كـل مكـتـوم = كـم واحـدٍ مثلـك تـوطـتـه الأزمـان
الحلم يجعل صاحب العـقـل مهمـوم = طيف الليالي مابهـا غـيـر نقـصان
لا عـاد عند الناس يا نمر محشـوم = دوّر عوضها عـنـد حضرٍ وبـدوان

للشيخ جديع بن قبلان أبن ملحم من شيوخ قبيلة المنابهة من بني وهب من ضنا مسلم

صح لسانك
ونعم والله

» من شيوخ قبيلة ولد علي
» من قبيلة الفدعان
» من قبيلة ولد سليمان