بسم الله الرحمن الرحيم
هذه قصيدة قالها الشاعر عطاالله صالح فرحان الجعفري العنزي في الشيخ مهجع سعد الرشدان العنزي - حفظه الله :
يا الله يا منجي الثلاثة من الطور *** أنت الكريم و لك ركعنا وسجدنا
أنت الحكيم بقدرتك داير الدور *** و بأمرك تسير أرواحنا في جسدنا
لك نتضرع يا الولي خالق الحور*** ونطلب رضاك ولا لغيرك عبدنا
ومن بعد ذكر الله سجلت بسطور*** من هاجس فيه المعاني رصدنا
حل المجال وصار للشعر ناطور *** وحنا ليا جت حزته له وردنا
قطفت من زين المثل ورد وزهور *** ون سولف الهراج به ما نقدنا
أمدح به اللي بالملازيم مخبور *** ومن حقنا بمقدم الطيب شــدنا
يا بو سعد يا طيب الساس مشكور*** بمشاركتكم في طلايع ولـــدنا
لولاك طيب منت للبذل مجبور *** يابو سعد يا عـــزنا يا سنــدنا
وحضوركم يكفي عن المد له دور *** ومشاهدتكم يالسنافي سعـــدنا
زان الفرح وزداد نور على نور *** يومن شرواكم برجلة عمـــدنا
وبشوف ربعي وأهل الطيب مسرور *** وجميع منهو بالعزيمة وفــدنا
وأهل الوفاء يابو سعد مابها قصور *** لكن نشيد بفعولكم ما جحـــدنا
يا بن الشيوخ مهدية كل ممرور *** بفعولهم دارين الأقصى والأدنا
يوم اللقاء ومصادمة كل صابور *** كم غازين ردوه ينـــه هجــــدنا
خلوه يرجع عن نواياه مكسور *** وش عاد لو سربات قومه يبدنا
وإلا الحين أمان وخير والوضع مستور*** أنا أحمد اللي عـــزنا في بلـــدنا
دورن حلو والخير والأمن موفور *** و لله ما غيــره وحيدن حمـــدنا
و يا بو سعد يا اللي في الطيب مشهور *** باللي بذلتوه والحــقيقة شهـــدنا
عساك ما تشكي من القل معسور *** شــــــرواك يا منا بغينا وجـــدنا
و أقبل تحياتي عسى البيت معمور *** ونبعث لك الأبيات فيها اجتهـــدنا
اسلم وسلم لي على الشيخ منصور *** ولكم عســـى يا شيوخنا ما فقـــدنا
الخميس ديسمبر 13, 2012 6:08 am من طرف 
موضوع: قصيدة الشاعر عطا الله صالح بالشيخ مهجع سعد الرشدان